愛死您...

一年又過去了, 回顧2008既一年, 令我感覺得最開心的, 最感恩的是...年底跟家人一起過了一個很難忘既聖誕假期吧! 這個假期, 令我學會更加珍惜跟家人相處既時間, 更加愛, 更加愛肥仔肥妹(My parents, heheee), WhY? Becos...我們太少相聚既時間, 太少communication, 太少可以近距離接觸...我過了一個好愉快既十天, 也跟肥仔肥妹和姐姐多了傾計, 我們相處既關係, 如好朋友般, 沒有距離, 沒有介懷, 什麼都會跟大家講! 開心或不開心時, 爸媽既一個深深的擁抱, 一個吻已經很足夠...

在這個TRIP上跟他們一起令我有許多感動位, 好多笑位...一開始我和姐姐耍錯時間上不了機要買多一程機票經已係一個又驚天喜既位...之後等了很久先見到肥仔肥妹既時候係開心死既位...肥仔在船上不小心整親隻肥豬腳要用柺杖, 又暈船浪呀拱係心痛位...肥仔肥妹笑說佢地12歲就認識, 笑說佢地幾十年既情史係爆笑位...要兩個加起百幾既老人家陪我地兩個大小姐在零下既天氣行街

是心虛位 (heheee)

我唔係晒野, 不過, 我既肥仔肥妹在我心中係"你們是最好的" , WHY? 有晚跟肥仔傾計, 佢說起十幾年前去加國既事...

我: 肥仔, 我地移民時你是否過得好辛苦? 我記得姐姐說那時你晚上有許多次都同肥妹偷偷地哭...

肥仔: 都唔係既, 只是我人生中既一個過程, 好驚險, 因為, 你老豆O個時只有萬幾蚊港幣移民...我想番起都覺得好驚, 一家4口點算? 點生活? ...不過, 時間過得好快, 拱又"I" 過...

我: 拱比你再洗一次牌, 你會再來一次嗎?


肥仔: 唔啦...要再一次既話我一定不會這樣行...你媽咪好辛苦, 我也沒有膽量啦, 年紀大啦阿女...

聽完佢講, 再想起當時我們好艱難的日子時, 我不禁流下了眼淚...這時, 爸爸給我一個深深我擁抱, 我心裡跟自己說: 爸爸, 我和姐姐不會再令你和媽咪擔心了, 我們要你們以後活得更好, 更加愛你...

I love you!!!